Aparıcı İT biznes analitiki

İş şəraiti:

• Müştəri ilə görüşlərin və ilkin tədqiqatların müstəqil aparılması, tələblərin toplanması, təhlili və formallaşdırılması.
• Biznes proseslərinin təhlili, AS-IS və TO-BE modellərinin hazırlanması, proseslərin optimallaşdırılması üzrə təkliflərin verilməsi.
• Həllərin layihələndirilməsi, funksional və qeyri-funksional tələblərin, biznes qaydalarının və qəbul meyarlarının müəyyən edilməsi.
• Elektron sənəd dövriyyəsi sistemlərinin və korporativ intranet portallarının tətbiqi və sazlanması.
• Texniki tapşırıqların hazırlanması, razılaşdırılması və icrasına nəzarət.
• Test ssenarilərinin hazırlanması, UAT prosesinin təşkili, tələblərə uyğunluğun yoxlanılması, uyğunsuzluqların sənədləşdirilməsi və dəyişiklik sorğularının idarə edilməsi.
• Müştəri və digər maraqlı tərəflər üçün təqdimatların keçirilməsi və həllərin nümayiş etdirilməsi.
• Proqramçılar, test mütəxəssisləri və müştərinin texniki komandası ilə qarşılıqlı əməkdaşlıq.
• Texniki heyət və sistemin son istifadəçiləri üçün təlim materiallarının hazırlanması və təlimlərin keçirilməsi.
• Layihə və texniki sənədlərin hazırlanması.
• Tətbiq edilmiş sistemlər üzrə məsləhət və texniki dəstəyin göstərilməsi.

Tələblər:

• Təhsil: Ali təhsil
• İş təcrübəsi: 3-5 il
• İnformasiya texnologiyaları, mühəndislik, iqtisadiyyat, biznesin idarə edilməsi və ya əlaqəli sahə üzrə ali təhsil.
• BPMN və UML notasiyalarından ən azı biri üzrə bilik və praktiki təcrübə.
• Korporativ informasiya sistemlərinin tətbiqi və ya hazırlanması layihələrində biznes analitiki kimi ən azı 3 illik iş təcrübəsi.
• Məntiqi, aydın və strukturlaşdırılmış analitik və texniki sənədlər hazırlamaq bacarığı.
• Microsoft Visio, ARIS və ya analoji modelləşdirmə alətləri ilə iş təcrübəsi.
• SQL üzrə praktiki biliklər; SOAP və REST API, JSON/XML strukturları və veb-servislərlə iş prinsipləri haqqında bilik.
• Korporativ informasiya sistemlərinin inteqrasiyası üzrə iş təcrübəsi; inteqrasiya tələblərinin, məlumat sahələrinin uyğunlaşdırılması (mapping), autentifikasiya və xəta ssenarilərinin hazırlanması, Swagger/OpenAPI və Postman ilə işləmək bacarığı.
• UAT prosesinin təşkili, tələblərin icrasının izlənməsi və dəyişiklik sorğularının idarə edilməsi üzrə təcrübə.
• Layihə və tapşırıq idarəetmə sistemləri ilə iş təcrübəsi (Bitrix24, Jira, Trello və s.).
• Agile/Scrum və Waterfall metodologiyalarının iş prinsipləri haqqında bilik və layihə təcrübəsi.
• Azərbaycan və rus dillərində sərbəst şifahi və yazılı ünsiyyət; ingilis dilində texniki sənədləri və API spesifikasiyalarını oxuyub anlamaq bacarığı.
• Yüksək ünsiyyət və təqdimat bacarıqları, məsuliyyətlilik, dəqiqlik və stresə davamlılıq.
• Analitik istiqamət üzrə işi müstəqil planlaşdırmaq, müştəri ilə effektiv ünsiyyət qurmaq və komandada işləmək bacarığı.
• Öyrənməyə və peşəkar inkişafa açıq olmaq.

Üstünlük hesab olunan bilik və təcrübə:

• Korporativ informasiya sistemlərinin, xüsusilə elektron sənəd dövriyyəsi və insan resurslarının idarə edilməsi sistemlərinin tətbiqi üzrə iş təcrübəsi;
• RSD (Rəqəmsal Sənəd Dövriyyəsi) sistemi ilə inteqrasiya üzrə iş təcrübəsi;
• Korporativ və low-code sistemlərdə iş axınlarının (workflow), sənəd kartlarının, biznes qaydalarının, rol və giriş hüquqlarının sazlanması üzrə iş təcrübəsi;
• Linux, Docker və Microsoft əməliyyat sistemləri haqqında biliklər;

Müraciət etmək istəyən namizədlər öz CV-ni "CV göndər📤" düyməsindən istifadə edərək göndərə bilərlər.

 

Diqqət! İşə düzəltmək məqsədi ilə heç bir şəxs və ya qurum sizdən əvvəlcədən ödəniş tələb edə bilməz!  Dələduzluq hallarından qorunmaq üçün diqqətli olun